BEATISSIME PATER,
In Ecclesia Metropolitana Westmonasteriensi canonice instituta est Sodalitas nuncupata Societas Altari Inserventium Westmonasteriensis sub patrocino Sancto Stephani Diaconi et Protomartyris, eo fine ut pueri et juvenes, in Ecclesiae Ritibus instituti, sacris functionibus accurate simul et intelligenter peragendis incumbant. Quo magis autem Sodalium fervor et devotio augeatur, ipsa Sodalitas humillime petit ut Sanctitas Vestra eam Indulgentiis ditare dignetur, scilicet tribus Indulgentiis plenariis: una in die aggregationis Sodalium; altera in die festo principali Sodalitatis, nempe die 26 Decembris; tertia in articulo mortis; quatuor Indulgentiis septem annorum et totidem quadragenarum in sequentibus festis: scilicet, Sancti Joannis Ap. et Ev., die 27 Decembris; Sancti Joseph, die 19 Martii; SS. Apostolorum Petri et Pauli, die 29 Junii; et Sancti Michaelis Archangeli, die 29 Septembris: -insuper Indulgentia quinquaginta dierum quotiescumque quisque Sodalis Sacrosancto Missae Sacrificio inservit, necnon quando recitat orationem praeparatoriam ad inserviendum, h.e. Actiones nostras cum Salutatione Angelica Ave Maria.
|
N. 74120.
Ex Audientia SSmi habita die 22 Maii, 1906
SSmus D. N. Pius Div. Prov. PP. X referente me infrascripto S. Congñis de Propaganda Fide Secretario, benigne adnuere dignatus est pro gratia in omnibus justa preces, in perpetuum, servatis consuetis conditionibus.
Datum Romae ex Aed. S. C. de Pro'da Fide die et anno praedictis.
Pro Secreto -J. BRUNI, Offs. |
FRANCISCUS BOURNE